Investigan a un veciño de Piñor por matar dous cans

A Garda Civil de Ourense investiga a dous homes que residen nos municipios de Carballeda de Avia e Piñor acusados, respectivamente, dun delito contra a flora e a fauna e doutro de malos tratos animais.

O primeiro é veciño da parroquia de Abelenda, onde colocou varios cepos e lazos para cazar animais salvaxes de forma furtiva, segundo trasladou o Instituto Armado este venres.

Axentes do Seprona tomaron declaración a este home, ao que se investiga como posible autor dun delito contra a protección da flora e a fauna. Pola súa banda, o veciño de Piñor está a ser investigado como presunto autor dun delito de malos tratos animais ao matar por inanición a dous cans.

Unha cadela foi abandonada ata morrer desnutrida nun novo caso de maltrato animal | Fonte: Seprona