Outro grave accidente múltiple no corredor de Noia deixa catro feridos, un deles de gravidade
O sinistro tivo lugar á altura de Brión.
Por Europa Press / Redacción | SANTIAGO DE COMPOSTELA | 21/10/2022 | Actualizada ás 13:45
Catro persoas resultaron feridas, unha delas de gravidade, nunha colisión con tres vehículos implicados rexistrada no corredor que une Santiago con Noia á altura do termo municipal de Brión. É o segundo gran sinistro que ten lugar neste corredor en menos dun mes.
Así o trasladaron fontes do CIAE 112 Galicia, que tivo constancia ás 09,20 horas deste venres do sinistro, acontecido na parroquia de Boullón e que provocou o corte do tráfico nun dos carrís do corredor, o sentido Noia.
Un dos ocupantes do tres vehículos implicados no accidente tivo que ser excarcerado polos bombeiros de Xallas e o GES de Brión. Posteriormente, foi evacuado de emerxencia no helicóptero do 061 ata un centro hospitalario en estado grave.
Ademais, outro tres persoas resultaron feridas. O tráfico no carril afectado polo accidente quedou totalmente restablecido ás 12,15 horas, segundo apuntou o CIAE 112.
