Tres fotógrafas pioneiras, centro dunha mostra na Fundación Luis Seoane para o 3 de novembro
O título é 'Tres mulleres Magnum: Eve Arnold, Inge Morath e Cristina García Rodero'.
Por E.P. | SANTIAGO DE COMPOSTELA | 27/10/2022 | Actualizada ás 19:33
A Fundación Luís Seoane abrirá as súas portas o próximo 3 de novembro a mostra 'Tres mulleres Magnum: Eve Arnold, Inge Morath e Cristina García Rodero', que achegará á cidadanía a traxectoria de tres destacadas pioneiras da fotografía na historia da axencia Magnum.
Trátase dunha axencia fundada no ano 1947 por profesionais como Robert Capa, Henri Cartier-Bresson, Maria Eisner e Rita Vandivert, entre outros.
A exposición, producida polo Centro Niemeyer de Avilés en colaboración coa propia axencia e Contacto Grupo Europa Press, conta co apoio do Concello da Coruña, o Instituto Asturiano da Muller e a Deputación de Valencia, entre outras entidades e institucións.
Ata o 15 de xaneiro, na mostra o público poderá achegarse, entre outras cuestións, á historia da primeira muller que ingresou na axencia Magnum, Eve Arnold, que desde 1951 mostrou os cambios sociais experimentados pola sociedade de Estados Unidos da época.
