Cristina Alfonso, Nerea Pérez e José Luis Maestro, gañadores dos Premios Lazarillo 2024
Por E.P. | SANTIAGO DE COMPOSTELA | 02/04/2025 | Actualizada ás 16:28
A Organización Española para o Libro Infantil e Xuvenil (OEPLI) anunciou este mércores en Pontevedra os Premios Lazarillo 2024, que gañaron Cristina Alfonso, en Creación Literaria; e Nerea Pérez e José Luis Meaestro, na modalidade Álbum Ilustrado, cunha dotación de 6.000 euros cada unha.
O Salón do Libro Infantil e Xuvenil acolleu o acto de entrega deste prestixioso galardón, Patrocinado polo Ministerio de Cultura e McDonald's. Trátase do premio máis antigo do Estado español na literatura infantil e xuvenil. Foi convocado polo extinguido Instituto Nacional do Libro Español no ano 1958 co fin de estimular a creación de bos libros para nenos e novos e desde o ano 1986 é a OEPLI a encargada de convocalos anualmente.
Para a edición de 2024 optaron ao premio un total de 280 obras, das cales 186 son en narrativa, 71 en poesía e 23 en teatro. De todas elas, 238 son en castelán, 21 en catalán, 3 en eúscaro e 18 en galego.
Por unanimidade, o xurado acordou conceder o Premio Lazarillo á obra titulada 'Quiero un dragón', da que é autora Cristina Alfonso Ibáñez. Na modalidade de Álbum Ilustrado, o xurado decidiu conceder o Premio Lazarillo á obra titulada 'Tres eran tres', da que son autores Nerea Pérez Gordo (ilustracións) e José Luis Maestro Sarrión (texto).
