A xustiza avala a suspensión a un profesor de Culleredo por dicirlle ao alumnado se coñecían a profesoras "cachondas"
O docente tiña unha actitude de "colegueo" cos rapaces
Por Europa Press / Redacción | SANTIAGO DE COMPOSTELA | 19/11/2022 | Actualizada ás 19:19
A sección 1 do contencioso-administrativo do Tribunal Superior de Xustiza de Galicia (TSXG) apoiou o expediente disciplinario aberto a un profesor interino do IES Universidade Laboral de Culleredo por comentarios machistas, "colegueo" cos seus alumnos e deixamento na súa función docente, polo que a Consellería de Educación impúxolle 13 meses de suspensión.
No expediente confirmado xudicialmente recóllese que o profesor impartía "de maneira deficiente" as súas leccións, con sesións "improductivas para o alumnado" e sen seguir a programación didáctica.
Ademais, os seus alumnos, dun modulo de sistemas electrotécnicos e automáticos, queixáronse de que o profesor repartía exercicios "sen explicar a teoría" e non os corrixía e puxera no exame materia que non explicara antes, entre outras cuestións.
Así mesmo, considérase que podería ser responsable de "ter un comportamento indigno como profesional da docencia", por realizar na aula "comentarios machistas" como preguntar aos seus alumnos se coñecían "algunha profesora solteira que estea cachonda" ou dicirlles "ante a dúbida, a máis tetuda", así como "preguntar a un alumno se a súa nai tiña amigas cachondas".
Outras das condutas que se lle atribúen son unha "actitude de colegueo e broma na aula", o recriminarlle aos alumnos o pór queixas sobre el ou por terlle dito ao delegado de segundo curso que non ía aprobar a pesar de non avalialo aínda.
