O Concello de Santiago destinará máis de 700.000 euros en tres actuacións no rural

A xunta de goberno do Concello de Santiago prevé este luns adxudicar unha obra no rural da cidade e abrir o procedemento de licitación doutras dúas por un importe total, IVE engadido, que supera os 700.000 euros.

Na orde do día figura a adxudicación do acondicionamento da antiga N-634 no núcleo de Lavacolla (Sabugueira), que saíu a licitación en xuño por 268.471,36 euros. Tamén consta a aprobación dos proxectos de mellora de equipamentos deportivos e sociais en Figueiras, cunha contía de 355.699,97 euros; o acondicionamento do local sociocultural de Enfesta, no que está previsto investir 78.622,86 euros.

Pazo de Raxoi, sede do Concello de Santiago | Fonte: Europa Press