Animalistas queren acabar co "sufrimento" das granxas de visóns: "hai que eliminar esta industria cruel e despiadada"

A asociación animalista AnimaNaturalis realizou unha reportaxe de investigación no que denuncia "a realidade oculta" das granxas de visóns en España, con "falta de hixiene, contaminación do medio ambiente ou ausencia absoluta de normas de benestar animal" na súa actividade.

Segundo informaron nun comunicado, o equipo de AnimaNaturalis visitou cinco granxas de visóns situadas en Galicia e Castela e León nos invernos de 2020 e 2021 e recolleu datos que agora se lanzan no marco da Iniciativa Cidadá Europea Fur Free Europe, que persegue o peche definitivo das granxas peleteras na UE.

En España hai granxas de visóns en Galicia (25), Castela e León (1, Ávila) e Comunidade Valenciana (1, Castelló), segundo o último programa de vixilancia epidemiolóxica do MAPA que se fixo despois da covid (2021).

Tal e como recolle o informe, as imaxes gravadas por AnimaNaturalis "mostran a ansiedade que sofren os visóns a causa do confinamento permanente", así como comportamentos dos traballadores que non son acorde coas pautas de benestar animal, denuncian.

"Despois de décadas de expor a realidade das granxas peleteras, cremos que podemos asegurar que mellorar as condicións en que viven os animais é imposible. Non existe normativa nin vontade para reducir ou eliminar o sufrimento dos animais", declara Belén González, portavoz de AnimaNaturalis. "A única solución ética, é a eliminación inmediata de toda esta industria cruel e desapiadada cara aos animais: o peche definitivo das granxas peleteras", agrega.

Ademais do trato aos propios animais, a asociación denuncia "vertidos de xurros e contaminación de arroios en tres das explotacións" visitadas, co dano consecuente para o medio ambiente.

Imaxe de arquivo dun visón americano. WWF