Arrinca no Itermareal Umia-O Grove a primeira ruta ornitolóxica da Deputación de Pontevedra

A Deputación de Pontevedra volveu a programar as rutas ornitolóxicas que promove xunto a SEO Birdlife, ao amparo do programa 'Voando nas Rías Baixas', que se iniciaron este domingo cunha ruta polo complexo Intermareal Ulla-O Gorve, "considerado un dos mellores lugares de Galicia e de España para a observación de aves acuáticas invernantes".

Durante a ruta, facilitóuselles aos participantes prismáticos de observación de aves, así como telescopios terrestes de alta gama para poder gozar delas "sen molestalas". Ademais, recibiron como material didáctico, unha guía de aves coa que puideron elaborar a súa propia lista de avistamentos.

A próxima visita desta sexta edición do programa será por Foz da Ramallosa (Nigrán) e terá lugar o 5 de febreiro. As inscricións estarán abertas desde o 23 de xaneiro. Será o 9 de abril cando a terceira ruta corra polas beiras do Umia (Cambados-Ribadumia) e con posibilidade de inscribirse desde o 27 de marzo.

A seguinte actividade terá lugar nas Brañas de Xestoso (Silleda-Forcarei-A Estrada) o 7 de maio e as persoas interesadas poderán inscribirse a partir de 24 de abril. A quinta ruta, a novidade desta edición, será pola praia da Lanzada (Sanxenxo-O Grove) o 4 de xuño, e o prazo de inscrición estará aberto o 22 de maio.

Tras a paréntese do verán, a sexta ruta será polo Esteiro do Miño (A Guarda) o 8 de outubro, con posibilidade de inscribirsedesde o 25 de setembro. A última andaina será o 26 de decembro nunha ruta pola Enseada de San Simón (Redondela, Vilaboa, Pontevedra e Soutomaior) co prazo de inscrición aberto desde o 13 de novembro.

CURSOS SMARTPEME

Doutra banda, a Deputación de Pontevedra, a través de Smartpeme, oferta o cinco novas formacións en liña para esta semana, enmarcados na carteira de talleres de Smartpeme. As accións tratarán temas como o uso da VPN, recomendacións para crear unha páxina web, mellora da produtividade, contido audiovisual e Blockchain.

Os talleres darán comezo este luns 16 pola mañá. No primeiro, a temática versará sobre ciberseguridade co experto en robótica, programación e impresión 3D, Manuel Freire. O obxectivo do taller 'Ciberseguiridade, o uso da VPN' é o de fomentar o uso das VPN, por que se deben usar e de que forma protexen.

O martes 17 impartirase unha nova formación guiada pola licenciada en Publicidade e Relacións Públicas, María Aller, que dirixirá 'Consideracións previas para crear a túa páxina web', un taller no que se mostrarán os primeiros pasos para crear unha web.

O mércores 18 haberá dúas accións formativas; pola mañá a licenciada en Publicidade e Relacións Públicas, Fátima Faílde, impartirá o curso 'Mellora a túa produtividade con Trello e outras aplicacións II', para ensinar técnicas de produtividade e ferramentas que permiten transformar as tarefas. Na quenda de tarde o protagonista será o vídeo mercadotecnia. Lara Taboada, titulada superior en Ensinos Artísticos e de Deseño Gráfico, explicará como comezar a crear uncontenido audiovisual interesante, dinámico e fácil de compartir no taller 'Vídeo Mercadotecnia I - Contido audiovisual, a última tendencia'.

Finalmente o curso do venres 20 de xaneiro, 'Blockchain e criptomoedas', pechará a semana lectiva. Con esta formación iníciase unha serie de talleres informativos relacionados coa tecnoloxía Blockchain. Neste curso abordarase o tema das criptomoedas. A formación estará impartida, novamente, por Manuel Freire.

Ave do Ano 2019. SEOBIRDLIFE - Arquivo