Efectivos galegos participan nun exercicio en Portugal para coordinar a acción transfronteiriza en incendios
O obxectivo do simulacro é exercitar a resposta do Sistema de Operacións de Protección e Socorro
Por E.P. | Galicia | 29/03/2023 | Actualizada ás 18:37
A Xunta de Galicia participou este mércores nun exercicio de optimización de intervencións en incendios forestais de carácter transfronteirizo, organizado polo Centro de Coordinación Distrital de Bragança no lugar de Moimenta, no municipio de Vinhais.
Dita acción está enmarcada no mes da Protección Civil que celebra Portugal e o obxectivo do simulacro é exercitar a resposta do Sistema de Operacións de Protección e Socorro (SIOPS) do país veciño. Ademais de Galicia, tamén participou cos seus medios Castela e León.
Esta participación permite mellorar a cooperación en materia de loita contra os incendios forestais que se declaran en puntos críticos, como as fronteiras interestatais. O simulacro deste mércores centrouse nun incendio con dúas frontes, orixinado na rexión portuguesa de Terras de Trás-os-Motnes, un deles cara a Moimenta da Beira e outro en dirección a España.
