Falece un home de 93 anos nun accidente de tráfico en Baltar
Viaxaba no asento traseiro
Por Europa Press / Redacción | OURENSE | 18/04/2023 | Actualizada ás 18:12
Un home de 93 anos faleceu na tarde deste martes nun accidente de tráfico rexistrado no municipio ourensán de Baltar.
Segundo a información do CIAE 112 e da Garda Civil de Tráfico, o suceso tivo lugar pouco antes das 17,00 horas no quilómetro 10 a estrada OU-304, nas proximidades de Baltar, onde o vehículo no que viaxaba o falecido saíuse da vía.
Ata a zona desprazáronse efectivos de Garda Civil de Tráfico, así como o helicóptero medicalizado do 061 con base en Ourense e persoal sanitario nunha ambulancia. Con todo, os facultativos só puideron certificar o falecemento do ocupante, que viaxaba no asento traseiro e facía uso do cinto de seguridade. A condutora, de 45 anos, resultou ferida leve e foi trasladada ao Hospital Cosaga de Ourense.
