Interceptan na Merca un condutor que cuadriplicaba a taxa de alcol permitida
Os feitos ocorreron á primeira hora da mañá, cando unha persoa viu como outra saía dun bar e subía a un turismo.
Por E.P. | OURENSE | 26/04/2023 | Actualizada ás 12:36
A Garda Civil interceptou na mañá deste pasado martes na Merca a un condutor que cuadriplicaba a taxa de alcol permitida grazas á colaboración dun cidadán, que observou que a persoa se dispuña a coller o coche sen estar en condicións adecuadas, seguiuno e avisou aos axentes.
Tal como informou a Benemérita, os feitos ocorreron á primeira hora da mañá, cando unha persoa viu como outra saía dun bar e subía a un turismo e, ao dar marcha atrás, chocaba contra outro vehículo estacionado, ocasionando danos, polo que o seguiu pola OU-540 dirección Ourense.
Ao ver a súa condución errónea, alertou á Garda Civil, que logrou deter o vehículo e realizoulle unha proba de alcoholemia ao home, resultando positivo con 1,4 e 1,03 miligramos por litro en aire expirado.
