Vegalsa-Eroski conmemora o Días das Letras a través das súas bolsas de supermercado

A rede comercial da compañía galega de distribución alimentaria Vegalsa, aliada coa vasca Eroski, súmase á celebración do Día das Letras Galegas rendendo homenaxe ao autor recoñecido nesta edición, Francisco Fernández del Riego, a través dos establecementos das enseñas Eroski, Eroski City, Autoservicios Familia e Cash Record en Galicia. 

É unha iniciativa moi semellante á que durante algúns anos realizou a tamén cadea de supermercados Gadis que este 2023 apostou por un fanzine coa obra de talentos emerxentes que distribuirá nas súas tendas. En todo caso, a proposta orixinal parte desde Política Lingüística que é quen pide a colaboración destas grandes cadeas de distribución para visibilizar a importancia que este día ten na sociedade galega.

Nun comuniddo, Vegalsa-Eroski sinala que 215 dos seus establecementos contarán nas súas instalacións con carteis conmemorativos para dar a coñecer a vida e obra de del Riego. O grupo empresarial pon en valor unha mostra da súa obra con carteis deseñados polos alumnos do CEIP Juan Rey de Lourenzá (Lugo), e cunha tirada especial de 21.000 bolsas de papel e máis de 1.400.000 bolsas de plástico para as tendas da súa rede

comercial das enseñas Eroski e Autoservicios Familia.

Como arranque da conmemoración desta efeméride, a compañía levou a cabo este luns no supermercado Eroski Center de Portanet, en Vigo, unha pegada simbólica de carteis.