Unha gran nube de fume percorre 5.000 quilómetros desde Canadá a Galicia
Será visible nas costas galegas durante dous días.
Por Europa Press / Redacción | SANTIAGO DE COMPOSTELA | 26/06/2023 | Actualizada ás 11:45
Unha gran nube de fume procedente dos incendios que sofre estes días Canadá chegou á costa galega, podéndose ver a primeira ollada nos ceos de Galicia.
Tal como informaron fontes de Meteogalicia a Europa Press, as partículas en suspensión producidas polos lumes do país norteamericano cruzaron o Océano Atlántico e chegaron a Galicia en forma dunha gran nube. Segundo os expertos, esta nebulosidade sitúase nas capas máis altas da atmosfera e non supón ningún risco para a poboación. As mellores horas para vela son as primeiras da mañá ou á noitiña.
A pesar de que é calificado de "anécdota", desde Meteogalicia puxeron en valor a tecnoloxía actual, que permite visualizar onde se atopan estes fumes e o percorrido que previsiblemente farán. Precisamente o observador europeo Copernicus mostra que esta nube de fume manterase no ceo do norte de España durante polo menos dous días máis, pero irá desvanecéndose co paso das xornadas
