Santalices agredece o labor do Centro Galego de Lisboa, un "faro de galeguidade" na capital lusa

O presidente do Parlamento de Galicia, Miguel Anxo Santalices, agradeceu o labor que realiza Xuventude de Galicia-Centro Galego de Lisboa, aos que definiu como "un faro de galeguidade" na capital lusa. Santalices recibiu este luns a unha delegación desta entidade no Pazo do Hórreo, sede do Lexislativo galego, segundo recolle un comunicado.

Jesús Bescos Sinde e Miguel Conde, presidente e vicepresidente, respectivamente, de Xuventude de Galicia-Centro Galego de Lisboa encabezaron a delegación, que coñeceu o Parlamento da man do seu titular.

O presidente do Parlamento de Galicia, Miguel Anxo Santalices, xunto a unha delegación de Xuventude de Galicia-Centro Galego de Lisboa. PARLAMENTO DE GALICIA | Fonte: Europa Press