A OCU informa que as gasolineiras de Culleredo, A Coruña e Ribadeo están entre as máis baratas en Galicia
Por E.P. | SANTIAGO DE COMPOSTELA | 21/07/2023 | Actualizada ás 15:44
A Organización de Consumidores e Usuarios (OCU) detectou uns prezos na gasolina e o diésel "en xeral altos, por encima da media", nas principais rutas de vacacións, aínda que estima que é posible aforrar máis dun 15% enchendo nas estacións de servizo máis baratas, sobre todo diésel.
Así, o informe que acaba de publicar no que analiza 13 rutas conclúe que a gasolineira Carbugal Alvedro, no municipio de Culleredo --na estrada N-550--, é as máis barata tanto para diésel como para gasolina na análise feita entre a N-550 e a autoestrada AP-9.
Pola súa banda, na A-6 a mellor opción está na gasolineira Carbugal, en Sabón. Mentres, as gasolineiras Eroski e Petroprix en Ribadeo son as opcións máis económicas tanto para a reposición de gasolina como de diésel na A-8.
A asociación analizou os prezos das estacións de servizo ao longo das 13 principais rutas de desprazamento en España, con máis de 1.000 gasolineiras, e subliña que un aforro do 16%, por exemplo, supón pagar ao redor de 12 euros menos para encher un depósito de 50 litros.
