Liberado un home que quedou atrapado nas rodas do seu tractor en Bande
Presentaba feridas en diferentes zonas do corpo.
Por Europa Press / Redacción | OURENSE | 23/07/2023 | Actualizada ás 20:35
O Grupo de Emerxencias e Salvamento (GES) de Muíños liberou a un home que quedou atrapado entre as rodas do seu tractor en Bande segundo informa o 112.
O ferido foi atropelado polo vehículo, que deixara aceso e ao que lle estaba comprobando a batería. Foi evacuado consciente a bordo do helicóptero medicalizado con base en Ourense.
Foi un familiar o que chamou ao 112 Galicia minutos antes das 13.30 horas, indicando que o home acababa de ser alcanzado polo seu propio tractor na aldea de Quintela, en Ribeiro.
Neste operativo colaboraron o persoal de Urxencias Sanitarias de Galicia-061, a Garda Civil e o GES de Muíños. Foron precisamente estes últimos os encargados de liberar ao implicado, atrapado entre dúas rodas e que presentaba feridas en diferentes zonas do corpo.
COLISIÓN EN BARBADÁS
Por outra banda, dúas persoas resultaron feridas un accidente que ocorreu na avenida de Celanova, pertencente á parroquia da Valenzá.
Un particular que se atopaba nesa rúa puxo ao 112 Galicia en coñecemento dos feitos, pasadas as 13.30 horas. En concreto, informaba sobre unha colisión entre un coche e unha moto e precisaba, ademais, que había dúas persoas feridas.
Unha delas, menor de idade, foi atendida no punto, mentres que o motorista foi evacuado en ambulancia ao Complexo Hospitalario Universitario de Ourense. A maiores dos servizos sanitarios, interviñeron a Policía Local e os membros de Protección Civil de Barbadás.
