Máis de cen nenos de 31 municipios de Pontevedra participan no novo campamento de 'Depo Aventura' A Lanzada
Os menores realizarán un taller para elixir a mascota oficial deste programa provincial e, entre as distintas iniciativas programadas no marco de Depo Aventura 2023, visitarán a Illa de Ons.
Por E.P. | PONTEVEDRA | 29/07/2023 | Actualizada ás 12:32
Os campamentos de 'Depo Aventura' A Lanzana acollerán a partir deste domingo 30 de xullo a 140 nenas e nenos dun total de 31 concellos da provincia de Pontevedra na súa sexta quenda. Ao longo de seis días desenvolverán múltiples actividades lúdicas e formativas. Neste verán e ata o 9 de setembro, serán en total 1.540 menores de 58 concellos da provincia os que participen no once quendas nos que se dividen os campamentos.
Nesta sexta quenda de Depo Aventura, as 70 nenas e 70 nenos (nacidos entre 2010 e 2015) proceden de Vigo (29); Pontevedra (17); A Estrada (9); Mos (7); O Porriño (7); Baiona (6); Cambados (6); Sanxenxo (6); Vilagarcía de Arousa (6); Redondela (5); Silleda (4); Covelo (3); Lalín (3); Ponteareas (3); Salceda de Caselas (3); Tomiño (3); Barro (2); Bueu (2); Cangas (2); Gondomar (2); Oia (2); Ribadumia (2); Soutomaior (2); Vilanova de Arousa (2); Arbo (1); O Grove (1); A Guarda (1); Marín (1); Moaña (1); O Rosal (1), e Tui (1).
Baixo o nome 'A Lanzada, un paseo pola historia', a Deputación ofrécelles ás nenas e nenos do campamento un programa de actividades destinado a favorecer a igualdade de xénero, a inclusión, a aprendizaxe de inglés, a arte, a cultura, a ciencia, o deporte, a lingua de signos, o respecto e o coñecemento da natureza e a dinamización e coñecemento multicultural da contorna.
Ademais, os menores realizarán un taller para elixir a mascota oficial deste programa provincial e, entre as distintas iniciativas programadas no marco de Depo Aventura 2023, visitarán a Illa de Ons e realizarán unha segunda excursión relacionada coa natureza e o coidado do medio ambiente.
