A presenza de candorcas na costa galega responde á procura de alimento, segundo a Consellería de Mar

O conselleiro do Mar, Alfonso Villares, vinculou a presenza de candorcas na costa galega coa procura de alimentos, tras a identificación doutros dous exemplares na ría de Arousa.

Así o manifestou, a preguntas dos xornalistas, con motivo da inauguración dunha exposición na Autoridade Portuaria da Coruña.

Por outra banda, en materia de seguridade, lembrou que a Xunta puxo en marcha unha app para que os navegantes poidan comprobar "por onde se están movendo as candorcas e facilitar que poidan variar o rumbo".

"Tamén os navegantes poden informar da súa localización", dixo en relación ás candorcas o conselleiro, quen asegurou que a citada aplicación está a funcionar "moi ben".

Orcas ría de Arousa / PABLO COVELO - CEMMA / Europa Press