Investigado un gandeiro de Chantada por deixar morrer de fame a varias reses

A Garda Civil investiga a un gandeiro de Chantada, de 50 anos de idade, como presunto autor dun delito de malos tratos animais, polas condicións nas que ten unha explotación, con graves deficiencias hixiénico sanitarias e con reses desnutridas e enfermas.

Segundo informaron fontes da Comandancia, nunha inspección realizada por axentes da Garda Civil e por veterinarios da Consellería do Medio Rural púidose constatar a existencia de graves deficiencias nesta explotación.

Así, atopáronse cinco reses en estado de desnutrición e con perda de músculo e graxa, e dúas delas prostradas e moi enfermas, ata o punto que houbo que eutanasianalas para evitarlles sufrimentos innecesarios. Igualmente, investígase se o pasado mes faleceron nestas instalacións outras cinco reses, sen recibir tratamento veterinario algún. As dilixencias foron remitidas ao xulgado de instrución de Chantada.

Reses desnutridas e enfermas localizadas nunha explotación gandeira de Chantada (Lugo), cuxo responsable é investigado como presunto autor dun delito de malos tratos animais.. GARDA CIVIL | Fonte: Europa Press