"Estánse a rir de nós"... así é o conflito estancado e esquencido dos bombeiros comarcais

Todo o mundo sabe que os bombeiros do consorcio provincial están en folga, e levan así máis de dous meses, aínda que a súa problemática non saia en moitos medios. Pero, como é a súa situación?. A verdade é que están nunha folga que non exercen, é dicir, eles están cumprindo as súas horas establecidas no contrato e simplemente están renunciando a facer horas extras voluntarias. E por qué están pechando parques se os traballadores están a cumprir o seu contrato na súa totalidade? Pois porque como estos mesmos denuncian, a plantilla é insuficiente e ás convocatorias para adquirir prazas non se están a realizar.

Pois isto é un dos principais reclamos destes traballadores que din non poder máis ca situación. "Estanse a rir de nós", explica Manolo en declaracións a Galicia Confidencial, quen leva 19 anos como bombeiro do parque de Verín e afirma que nestos case 20 anos "non mellorou nada a situación, senón que todo o contrario".

Antes, este servizo dependía de concesións privadas, unha vez se pasou a mans públicas, os cartos que antes invertían nesa concesión deixaron de invertirse no servizo polo que a situación aínda foi a peor. Outra das cousas que se destacan é a nula sintonización cos avances. "Cada vez gáñanse máis dereitos, como por exemplo os días de baixa de paternidade, pero non sirven de nada se non hai unha plantilla suficiente para cubrir estos dereitos sen que o servizo se vexa afectado", conta Manolo.

Estes profesionais xa pediron a principios de verán reunirse cas Institucións pertinentes e debido á negativa con excusas como ás vacacións dalgúns dos membros destas institucións. Dende entón levan dende o 15 de xuño "en folga" , e fai uns días pediron unha vez máis esta reunión, esta vez para o vindeiro 5 de setembro. Nela intentarán negociar para conseguir a ampliación de prazas para poder soster o sistema establecido e crear un convenio colectivo común aos catro consorcios provinciais.

"MESA DE MANTEIGA"

Xabier Villar, é bombeiro urbano e estivo moitos anos como representante na CIG. Sobre esta posible reunión do 5 de setembro explica que "por mór da miña experiencia teño que ser pouco optimista, non creo que sexa moi difícil cumprir co que piden estos traballadores, aínda así, dubido que se consiga algo".

O mesmo pensa Manolo, bombeiro comarcal. "Se de verdade tiveran vontade ou disposición de mellorar a situación hai cousas que poderían acometer dun día para outro", recoñece o traballador quen tamén coincide con Miguel González Uclés, bombeiro no concello de Vigo que denomina esta reunión como "ir á negociación da mesa de manteiga porque todo o que reclamen vailla escorregar".

"É unha reunión hipócrita para que se deixe de falar do tema un tempo, as eleccións autonómicas non están lonxe e teñen que empezar a traballar neso", explica Uclés. 

RISCO DOS PECHES

Fronte esta situación, os parques teñen que cerrar moitos días xa que non hai traballadores dispoñibles e esto implica que a sociedade carece dun servizo fundamental que está en constante situación de risco. "Pechar un parque comarcal é moi grave, significa deixar unha zona enteira sen un servizo de emerxencia", explica Miguel.

O tempo é fundamental, canto menos se tarde en actuar menor é o risco para os habitantes pero tamén para os propios bombeiros, se unha parque comarcal está pechado, necesita que se veña dende lonxe e estos tempos aumenten exponencialemente. "É catastrófico", afirma Miguel.

SITUACIÓN ACTUAL DOS INCENDIOS

Por outra banda, ante o bo verán en canto o número de incedios en comparación con outros anos nos que, por desgraza, estes eran moi comúns, xorde a dúbida de a que se debeu. Manolo e Xabier están de acordo en que o clima influiú, "a pesar de que houbo altas temperaturas, tamén houbo choivas intermitentes e moita humedade o que fai que as condicións non sexan tan idóneas como podemos pensar para que estas catástrofes se den", explican.

Pola súa banda, Miguel mántense un pouco máis precavido é explica que aínda que non os houbo en verán, setembro e outubro poden ser meses duros e fai un chamamento para recordar que "a mellor ferramenta contra estos é a prevención e a concienciación cidadá, sin estas dúas, a situación é moito máis dificil de controlar".