Sanmartín cre que a reunión con Rueda "chega un pouco tarde" e espera "unha decisión definitiva" sobre a taxa turística

A alcaldesa de Santiago, Goretti Sanmartín, que se reunirá co presidente da Xunta, Alfonso Rueda, o 2 de outubro, cre que esa xunta "chega un pouco tarde" e espera que lle poña encima da mesa "unha decisión definitiva" en canto á taxa turística. Sanmartín puntualizou que teñen "toda a vontade de tentar achegar posicións" e sinalou que se hai propostas de cambio "por suposto que as imos a ter en conta".

Así, incidiu en que "cre que é razoable" para "a inmensa maioría" da poboación de Santiago e do conxunto de Galicia o establecemento desta taxa para "contribuír a sufragar os gastos dos servizos públicos". A continuación, puntualizou que xa a hai "en moitas cidades do mundo" e que "ninguén as deixa de visitar". Ademais, para a alcaldesa, ten que ver con tentar xerar esa sensibilización e ter un turismo "o máis respectuoso posible cos veciños".

Con todo, iso "está directamente ligado" con tentar ter "un turismo de calidade". Así mesmo, Sanmartín puntualizou que ese non será o único tema que tratará co presidente da Xunta e nomeou a construción de vivenda pública, a dinamización de vivenda baleira, de incrementar o estatuto de capitalidade, do incremento da partida do consorcio e a situación do aparcadoiro do CHUS, todo iso sen esquecer o rural.

ESTATUTO DE CAPITALIDADE

Sanmartín puntualizou que tratará con Rueda o incremento da cantidade asignada no estatuto da capitalidade xa que cre que "hai unha débeda histórica" coa capital galega. "Levamos recibindo, nos últimos anos, menos da metade do que correspondería, segundo un estudo que xa está desactualizado", lembrou a alcaldesa, á vez que avanzou que o van a actualizar respecto da cantidade de diñeiro que "deben de recibir".

A alcaldesa de Santiago, Goretti Sanmartín, en rolda de prensa | Fonte: E.P. - Arquivo