Unións Agrarias sinala que os "problemas" de tramitación da PAC pode facer perder 25 millóns a Galicia
"Case un 20% da superficie agraria que podía beneficiarse destes fondos non o fará polas dificultades rexistradas ao non contar con servizos de asesoramento especializados", indica o sindicato agrario.
Por E.P. | SANTIAGO DE COMPOSTELA | 22/09/2023 | Actualizada ás 18:59
Unións Agrarias afirma que Galicia podería perder 25 millóns por "problemas", denuncia, rexistrados na tramitación deste primeiro período de aplicación do eco-régimenes da PAC.
Nun comunicado, explica que o fai en base ás súas estimacións xa que, engade, esa será "a contía que as explotacións galegas deixarán de percibir este ano debido ao déficit de información e os problemas rexistrados".
"Case un 20% da superficie agraria que podía beneficiarse destes fondos non o fará polas dificultades rexistradas ao non contar con servizos de asesoramento especializados", indica.
En concreto, asegura que ocorreu "á hora de realizar unha tramitación que, cos novos requirimentos, volveuse significativamente máis complicada". "Unha situación que, de repetirse, suporía un total de 25 millóns de euros perdidos para Galicia no período 2023-2027 da Política Agraria Común", apostila.
