Os usuarios de autobús urbano soben un 19,7% en agosto en Galicia

Os usuarios de autobús urbano subiron un 19,7% en agosto en Galicia en relación ao mesmo mes do ano anterior, ata 4.600.000, segundo os datos que publica este mércores o Instituto Nacional de Estatística (INE). No que vai de ano, o aumento acumulado é do 19,9%.

Mentres, no conxunto estatal, máis de 335,7 millóns de pasaxeiros utilizaron o transporte público en agosto, un 22,5% máis que no mesmo mes do ano 2022. O transporte urbano incrementouse un 23,5% en taxa anual e o interurbano un 22,1%. Dentro do interurbano, destaca o incremento do 33,3% no transporte por ferrocarril.

Parada de bus | Fonte: XOÁN CRESPO - Arquivo