Dous mozos de 22 e 18 anos rouban no Barco o bolso dunha veciña

A Garda Civil do Barco de Valdeorras tomou declaración en calidade de investigados a dous mozos de 22 e 18 anos de idade, veciños do municipio, como presuntos autores dun delito de furto.

Segundo explican, a investigacción arrincou por mor da denuncia dunha veciña do Barco na que relata que o día 1 de abril, mentres estaba nun local de lecer do Barco, subtraéronlle o bolso.

Nel, levaba un teléfono móbil e unha carteira con cartóns bancarios e 150 euros en efectivo. As dilixencias enviáronse ao xulgado do Barco.

Imaxe dun axente da Garda Civil | Fonte: GARDA CIVIL - Arquivo