O bono turístico da Xunta pode descargarse desde o venres

O prazo de descarga do bono turístico da Xunta, co que se promoven viaxes en Galicia e que prevé mobilizar ata 2,5 millóns de euros, poderá solicitarse este venres a partir das 9,00 horas e xa conta con máis de 200 establecementos adheridos.

Segundo informou o Executivo autonómico, mobilizarán 10.000 bonos desconto en formato código QR por valor de 100 euros cada un cos que poderán gozar do 40% en cada compra ata esgotar o saldo do bono.

A descarga estará dispoñible en www.bonoturismo.gal e poden beneficiarse as persoas maiores de idade que residan en Galicia. Así, tras a descarga poderá usarse ata o 25 de decembro nos establecementos adheridos.

O vicepresidente primeiro da Xunta, Alfonso Rueda, presenta o bono turístico '#QuedamosenGalicia', xunto a outras autoridades, nun hotel de Oleiros (A Coruña). MONCHO FONTES