Aceites Abril prevé alcanzar unha produción de 35.000 quilos de oliva para fabricar 7.000 botellas de edición limitada
Por Europa Press / Redacción | A CORUÑA | 27/10/2023 | Actualizada ás 13:20
A empresa galega Aceites Abril prevé alcanzar este ano unha produción de 35.000 quilogramos de oliva para a elaboración de 'Colleita Propia', o seu aceite de oliva 100 % galego que se traducirá nunha edición limitada de 7.000 botellas de medio litro.
Así o informa a empresa ourensá que, da man dun centenar de produtores, conta cunhas 140 hectáreas repartidas nas comarcas de Verín, Valdeorras, Quiroga, Terras de Lemos, O Ribeiro, Ourense, O Baixo Miño, O Salnés, Caldas de Reis, Deza e Carballiño.
Sobre a recollida, indica que esta cifra, que se confirmará unha vez termine a campaña de recolección a mediados de novembro, supón un incremento aproximado do 15 % con respecto á colleita da campaña anterior. "Na que se alcanzaron os 30.000 quilogramos, debido á seca e inclemencias meteorolóxicas", explica sobre as circunstancias dese ano.
