Anunciadas indemnizacións para gandeiros que certifiquen ter perdido gando pola Enfermidade Hemorráxica Epizoótica
Medio Rural confirma actualmente existen en Galicia trece focos, con dez mortes, e lembrou que a galega non é a única comunidade autónoma con casos, senón que "en toda España hai focos".
Por E.P. | SANTIAGO DE COMPOSTELA | 27/10/2023 | Actualizada ás 15:11
O conselleiro de Medio Rural, José González, avanzou que os gandeiros que certifiquen perder gañado por mor da Enfermidade Hemorrágica Epizoótica (EHE) recibirán axudas en 2024 e con carácter retroactivo en 2023.
Atendendo aos medios de comunicación, o conselleiro lembrou que a EHE é unha enfermidade "de baixa afectación e de baixa mortalidade", que ademais "non se transmite nin aos seres humanos nin a unha vaca que estea á beira dunha infectada", xa que ten que picala un mosquito.
Confirmou que actualmente existen en Galicia trece focos, con dez mortes, e lembrou que a galega non é a única comunidade autónoma con casos, senón que "en toda España hai focos".
Ante esta situación, trasladou que "toda aquela morte que se certifique por EHE polo veterinario correspondente será obxecto de axudas no próximo 2024 e con carácter retroactivo en 2023". "Pero o que si é importante é que se poida certificar esa morte por EHE", insistiu.
"Por tanto, o que dicimos é que dentro da preocupación que todos temos que ter, o que temos en primeiro lugar é que cubrir as posibles perdas económicas dos nosos gandeiros e seguir traballando", concluíu.
