Cortado o tráfico na OU-536 en Carballedo polo afundimento do único carril dispoñible
Por Europa Press / Redacción | SANTIAGO DE COMPOSTELA | 03/11/2023 | Actualizada ás 10:20
O afundimento do único carril dispoñible da estrada OU-536 na zona de obras de Carballeda de Valdeoras obrigou a desviar todo o tráfico pola estrada OU-0801.
O incidente produciuse ás 02,30 horas da madrugada deste venres, segundo informaron fontes do CIAE 112 Galicia, que puxo en aviso á Garda Civil.
Ante o desprendemento na estrada no único carril dispoñible debido ás obras que se realizan na OU-536 (antiga N-536), a Garda Civil cortou o tráfico entre os quilómetros 41,400 e 47,500.
A circulación está desviada á localidade do Barco á altura da ITV pola estrada OU-0801, que une O Barco con Sobradelo. A previsión é que o tráfico estea cortado no punto ao longo de toda a fin de semana, segundo trasladou a Garda Civil.
