Os viaxeiros de autobús soben un 11,6% en Galicia en setembro, por baixo da media
Por E.P. | SANTIAGO DE COMPOSTELA | 10/11/2023 | Actualizada ás 11:17
Os viaxeiros en transporte urbano por autobús en Galicia subiron un 11,6% en setembro en comparación co mesmo mes de 2022, segundo os datos publicados polo Instituto Nacional de Estatística (INE) este venres.
Este incremento queda en pouco menos da metade de avance da media española, que se eleva un 21,2%. Hai un repunte xeneralizado entre comunidades só con descenso en Castela-A Mancha (-0,4%). Canarias (48,5%) lidera o avance.
De media no que vai de ano, entre xaneiro e setembro, o crecemento é do 18,8%, cinco puntos por baixo da media española (23,3%). Un total de 5,4 millóns de viaxeiros empregaron o transporte urbano por bus en Galicia no primeiros nove meses do ano.
