Nove ríos en alerta por desbordamento tras incorporarse o Furelos en Santiso e o Miñor en Gondomar

Un total de nove ríos permanecen baixo vixilancia por desbordamento debido ás precipitacións acumuladas nos últimos días, pero esta listaxe cambiou e deixan de preocupar o Labrada (Fraga), Ladra (Begonte) e o Avia (Ribadavia).

Actualmente, segundo o último parte actualizado ás 20,54 horas do martes, atópanse baixo viligancia do Plan Inungal da Xunta, que monotoriza a situación, os seguintes ríos: Rego das Mestas (Valdoviño), Mera (Ortigueira), Mandeo (Aranga), Mendo (Betanzos), Mero (Betanzos), Furelos (Santiso) --novo--, Dubra-Tambre (Val do Dubra), Oitavén (Soutomaior) e Miñor (Gondomar) --novo--.

A Xunta de Galicia mantén activo o Plan Inungal co fin de monitorar o nivel dos ríos posto que os caudais son elevados e poden producirse desbordamentos puntuais nos seus cursos. Neste contexto, é importante que a poboación adopte medidas de autoprotección que contribúan a garantir a súa seguridade.

Varias persoas cruzan unha ponte observando a crecida do río Tea, a 4 de novembro de 2023, en Ponteareas, Pontevedra | Fonte: Elena Fernández - Europa Press