Dous terremotos na provincia de Ourense nunha mesma semana
Por Europa Press / Redacción | OURENSE | 28/11/2023 | Actualizada ás 18:53
A provincia de Ourense rexistrou ás 6.14 horas deste martes o segundo terremoto da semana. O tremor, con epicentro na localidade portuguesa de Melgaço, produciuse ás 6.14 horas da madrugada cunha magnitude de 3,5 segundo o Instituto Xeográfico Nacional e a unha profundidade de 15 quilómetros. A pesar diso, foi percibido en distintos concellos ourensáns como A Merca, A Mezquita, Padreda ou Cartelle.
É o segundo tremor que sacode a provincia ourensá no mes de novembro. O primeiro produciuse, precisamente, este luns no concello de Vilamarín. En concreto, sucedeu na madrugada do domingo ao luns, ao redor das 2.59 horas e tivo unha magnitude de 1,7, aínda que a unha profundidade de 24 quilómetros, polo que non se puido percibir.
