Polo menos nove detidos nun operativo antidroga con epicentro no Salnés
Ordenado pola Audiencia Nacional.
Por Europa Press / Redacción | PONTEVEDRA | 19/12/2023 | Actualizada ás 11:46
A Garda Civil detivo polo menos a nove persoas nun operativo contra o tráfico de droga ordenado pola a Audiencia Nacional con epicentro no Salnés, onde se realizaron varios rexistros, do mesmo xeito que noutras provincias como A Coruña e Ourense e en Portugal.
Segundo confirmaron fontes da Garda Civil a Europa Press, é a Audiencia Nacional a que dirixe o operativo, levado a cabo polo Equipo contra o Crime Organizado en Galicia da Garda Civil e pola Policía Judiciaria de Portugal.
Outras fontes da investigación aseguraron que se produciron xa nove arrestos, aínda que poderían incrementarse ao longo do día. Os rexistros realizáronse en diferentes inmobles de Vilanova de Arousa, de Vilagarcía, de Ourense e da Coruña.
Así, estes rexistros e o nove detencións enmarcaríanse dentro das dilixencias dunha operación anterior contra o tráfico de droga que investiga a Audiencia Nacional, na cal se incautaron previamente polo menos uns 200 quilos de cocaína. Os agora detidos pertencerían ao clan de Os Biturros, un coñecido grupo da comarca do Salnés involucrado en casos similares.
