Mar aborda coa confraría de Corcubión necesidades pesqueiras e portuarias

O conselleiro do Mar, Alfonso Villares, visitouse este xoves o porto do municipio coruñés de Corcubión para reunirse coa confraría e representantes do sector portuario da localidade.

Villares, que estivo acompañado polo presidente de Portos de Galicia, José Antonio Álvarez, percorreu as instalacións da confraría e edificios portuarios. O conselleiro enmarcou este encontro na rolda de visitas que o seu departamento realiza para coñecer de forma directa as necesidades e demandas dos usuarios dos 112 portos que conforman o sistema portuario autonómico.

Segundo informou a Xunta, Villares profundou nas posibilidades de mellora das condicións de traballo dos profesionais que operan no porto de Corcubión, así como nos proxectos para impulsar ao sector da náutica recreativa como actividade de relevancia destacada no municipio.

Algunhas das demandas que trasladaron desde o sector pasan pola petición do asfaltado diante da lonxa por un desnivel e reparacións menores, que están pendente de executar no marco do contrato de mantemento global de Portos, ou a ampliación da lonxa para novos usos. Ademais, abordaron o proxecto do porto mixto de Corcubión.

O conselleiro do Mar, Alfonso Villares, preside vía telemática unha reunión. CONCHI PAZ