Ventos de máis de 100km/h e ondas de 5 metros, primeiros efectos do temporal que se achega a Galicia
Por Europa Press / Redacción | SANTIAGO DE COMPOSTELA | 22/01/2024 | Actualizada ás 10:02
Punta Candieira, no municipio de Cedeira, rexistrou ventos de 107,3 quilómetros por hora na madrugada deste luns, unha xornada de alerta laranxa na costa galega na que se produciron ondas por encima de 5 metros.
Segundo a información de Meteogalicia, a madrugada de luns tamén deixa ventos por encima de 100 quilómetros por hora no Xistral, municipio de Muras (103,5 kms/h). Isto ocorre nun día no que entra un fronte a Galicia e hai vento do suroeste.
Pola súa banda, os datos de Portos de Estado, dependente do Ministerio de Transportes, mostran ondas de máis de 5 metros en diferentes aboias: Estaca de Bares, Vilán-Sisargas e cabo Silleiro. Será unha xornada complicada no mar, con alerta laranxa ata as 21,00 horas.
