O último fin de semana de xaneiro deixa temperaturas de case 22 graos en Ourense
Para este luns a comunidade continuará nunha situación intermedia
Por Europa Press / Redacción | SANTIAGO DE COMPOSTELA | 28/01/2024 | Actualizada ás 20:25
Galicia despediu o último fin de semana de xaneiro cunhas temperaturas atípicas para esta época do ano onde o mercurio alcanzou este domingo os 21,4 graos en Ourense. Así o detallaron os datos recolleitos por Meteogalicia que tamén reflectiron que a temperatura mínima rexistrouse no municipio lucense de Sarria, con 0,1 graos.
O refacho de vento máis forte rexistrouse no municipio coruñés de Vimianzo (96 km/h) nunha xornada na que A Costa da Morte estivo en alerta amarela por temporal costeiro.
Para este luns a comunidade continuará nunha situación intermedia entre as altas presións situadas sobre Centro Europa e as baixas presións que enviarán unha fronte pouca activo que entrará polo oeste.
O réxime de ventos de compoñente sur mantense e traerán nubes de tipo medio e alto. Co avance do día os ceos cubriranse polo oeste da provincia da Coruña, con choivas máis probables nas provincias da Coruña e Pontevedra. En canto ás temperaturas non sufrirán cambios significativos e o vento soprará moderado de compoñente sur con intervalos fortes na Costa da Morte.
