Un choque entre un coche e un autobús en Cabana de Bergantiños deixa dous feridos, ningún dos pasaxeiros do bus
Por Europa Press / Redacción | A CORUÑA | 01/02/2024 | Actualizada ás 13:56
Dúas persoas foron trasladadas este xoves ao hospital tras verse involucradas nunha colisión entre un coche e un autobús no municipio coruñés de Cabana de Bergantiños. Segundo informou o 112, tiveron constancia do accidente pasadas as 10.30 horas a través dun particular, que indicaba que un coche e un autobús chocaran na estrada de Buño-Laxe, en Cesullas.
Desde o primeiro momento, indicaron que había persoas que necesitaban asistencia sanitaria. O servizo solicitou a acción de Urxencias Sanitarias de Galicia-061, dos Bombeiros de Carballo, do GES de Ponteceso, da Garda Civil de Tráfico e dos operarios de mantemento da estrada.
Os servizos de emerxencias confirmaron que había dúas persoas feridas, unha en cada vehículo, que foron evacuadas. Outro implicado trasladouse polos seus propios medios ao centro sanitario, mentres que o resto dos pasaxeiros do autobús resultaron ilesos. Finalmente, os bombeiros e os servizos de mantemento colaboraron para restablecer a circulación no punto.
