Unha nova enquisa do CIS insiste no cambio de goberno en Galicia pero con case un 30% de indecisos

O Partido Popular, PSOE e Sumar estarían en retroceso segundo unha nova enquisa do Centro de Investigacións Sociolóxicas (CIS), que só sitúa ao BNG á alza con respecto á publicada o pasado 25 de xaneiro.

En concreto, o PP retrocede e podería perder a maioría absoluta, cun 42,2% dos votos e lograr entre 34 e 38 escanos. Pola súa banda, o BNG subre ata o 32,9% e quedaría entre 22 e 26 escanos. Ademais, o PSOE sigue como a terceira forza e chegaría ao 20,1% dos votos (13 a 15 escanos). Pola súa banda, Sumar podería conseguir un escano co 2,1%.

O CIS mantén ás opcións de que a candidatura de Democracia Ourensá logre unha acta pola provincia de Ourense, ao volver darlle un 0,4% dos votos.

PODEMOS E VOX, SEN REPRESENTACIÓN

O Centro de Investigacións Socológicas dirixido por José Félix Tezanos continua sinalando que Vox manteríase fóra do Pazo do Hórreo, cunha estimación de voto do 0,9%, menor á que lle outorgaba na anterior enquisa --1,3--. Tamén quedaría fóra da Cámara galega a candidatura de Podemos, encabezada por Isabel Faraldo, cun 0,3% dos votos, unha décima menos que no estudo do 25 de novembro.

ANA PONTÓN CONTINÚA COMO A LÍDER MÁIS VALORADA

A líder do BNG, Ana Pontón, continúa nesta enquisa como a mellor valorada, cun 5,74, seguida de Alfonso Rueda (PP), cun 5,37; e do candidato do PSOE, cun 4,86. Por detrás sitúanse a aspirante de Sumar a liderar San Caetano, Marta Lois, cun 3,98. Ademais, a enquisa sitúa ao fundador de Espazo Común Galeguista, o exsocialista Pachi Vázquez, cun 3.66.

INDECISOS

Segundo os datos publicados este luns polo CIS, un 27,7% dos galegos aínda non decidiu a que partido político ou coalición vai votar. Ademais, un 5,5% vai decidir o seu voto durante a xornada de reflexión e un 6,1% asegurou que o fará o mesmo día das eleccións.

Os datos desta enquisa de precampaña, foron recollidos entre o 29 de xaneiro e o 1 de febreiro, xusto antes do inicio da campaña e conta cunha mostra de 3.743 entrevistas. O anterior estudo de precampaña, publicado polo CIS o 25 de xaneiro, fora realizado entre o 8 e o 22 de xaneiro, cunha mostra de 11.011 entrevistas repartidas no catro provincias galegas.

BESTEIRO

Sobre esta enquisa, o candidato do PSdeG á Presidencia da Xunta, José Ramón Gómez Besteiro, asegurou que a mellor enquisa será a do propio día das eleccións, que se celebran o 18 de febreiro, e mostrouse convencido de que "o cambio está en marcha".

Pola súa banda, o candidato número dous do BNG por Lugo, Daniel Castro, afirmou que a formación nacionalista se guía máis polas "sensacións" que polas enquisas que se publican en campaña electoral, pero certificou que o que observan na rúa é "esa sensación de cambio que día a día" é "máis posible e é máis seguro que Ana Pontón vai ser a próxima presidenta deste país".

RUEDA

O presidente da Xunta e aspirante do PPdeG á reelección, Alfonso Rueda, relativizou que os seus rivais poñan no foco o seu "nerviosismo" un día despois de que o Centro de Investigacións Sociolóxicas (CIS) publicase unha enquisa na que outorga aos populares unha pinza de entre 34 e 38 deputados no Parlamento de Galicia, o que significaría que a súa maioría absoluta está en risco.

"Que estou nervioso lévano dicindo dous anos", ha relativizado Rueda, antes de incidir en que non se adoita fiar das enquisas, nin das que lle favorecen nin das que lle auguran malos resultados.