Paula Prado erixe ao PP como "a Galicia que goberna" fronte ao BNG e PSdeG que "o único que fan é manifestarse"

A secretaria xeral do PPdeG, Paula Prado, erixiu ao seu partido como "a Galicia que goberna" fronte ao BNG e o PSdeG que "o único que fan" é "bloquear, manifestarse e pór trabas" ao traballo do día a día. Así o sinalou este sábado en declaracións aos medios antes de participar nunha reunión de traballo na sede do PP de Oleiros con representantes do partido na área metropolitana da Coruña.

Nesa reunión, continuou, diferenciase "a Galicia que goberna, a da estabilidade do goberno do PP", fronte ao "goberno inestables, como se viu esta semana co que sucede en Cambre". Mentres o PP "é un partido que ofrece estabilidade", o PSdeG e o BNG "o único que fan" é "enfrontar" ás sociedades e "non ofrecen solucións reais aos problemas dos veciños". Neste sentido, puxo como exemplo que o PPdeG realiza unha "obra moi importante" coa remodelación do Chuac e mentres tanto o PSdeG e BNG o que fan é "bloquear, manifestarse e pór trabas ao traballo do día a día".

"Cando o PP pon en marcha medidas arriscas, innovadoras para resolver problemas no ámbito sanitario, vemos como o PSOE leva en Madrid seis ministros en sete anos e o BNG é o do 'non' absolutamente a todo", incidiu Prado. Nese sentido, criticou que "o que si fai moi ben o BNG" é "porse detrás da pancarta" e reivindicar o que "si está a facer xa o goberno da Xunta". Fronte a iso, Paula Prado asegurou que o seu partido seguirá "dedicándose a gobernar en Galicia" e, en dous anos, espera que "en máis concellos da área metropolitana da Coruña".

A secretaria xeral do PPdeG, Paula Prado | Fonte: PPDEG