Sobe a venda de vehículos de segunda man en febreiro
Por Europa Press / Redacción | VIGO | 07/02/2024 | Actualizada ás 11:36
As vendas de turismos e furgonetas de ocasión situáronse nas 9.712 unidades en xaneiro en Galicia, o que supón un 6% máis que no mesmo mes de 2023, segundo datos presentados este mércores pola Asociación Nacional de Comerciantes de Vehículos (Ancove).
En concreto, o mes pasado comercializáronse na Comunidade 8.337 coches, cun incremento do 6,5%, e 1.375 comerciais lixeiros de ocasión, un 3,5% máis. Por provincias, Lugo foi a que rexistrou un maior incremento en canto a vendas de vehículos de segunda man, aumentando un 13,4% nos últimos 12 meses, ata 1.406 unidades. Pontevedra sitúase no segundo posto, cun 6,3% máis, ata 3.417 unidades.
Na Coruña comercializáronse 3.827 vehículos (+4,8%) en xaneiro, mentres que en Ourense esta cifra foi de 1.062 unidades, un 0,7% máis.
