Oito feridos leves tras despeñarse un coche no alto do Furriolo, un tramo de curvas moi pechadas en Rairiz de Veiga

Oito persoas resultaron feridas leves tras despeñarse un vehículo no alto do Furriolo, no termo municipal de Rairiz de Veiga. Segundo informou a Garda Civil, este sábado, ás 17.44 horas, na vía OU-531 (Xinzo-Cortegada), pk 14.700, produciuse a saída de vía e posterior despeñamento dun vehículo mixto adaptable Renault Trafic de nove prazas.

Destacan que o suceso tivo lugar nun tramo de curvas moi pechadas. No dispositivo participaron dúas patrullas de motoristas e un equipo de investigación de sinistros viarios do Subsector de Tráfico da Garda Civil. Tamén unha dotación de bombeiros da localidade de Xinzo de Limia Ambulancias do 061.

Coche despeñado no alto do Furriolo | Fonte: GARDA CIVIL OURENSE