Sabes cal é a orixe da toponimia de Muros?

A Real Academia Galega (RAG) promove un traballo sobre a toponimia da localidade coruñesa de Muros, coa análise de máis dun centenar de nomes de lugar e unha corrente de auga de Louro.

Trátase dun traballo a cargo de Alfonso Blanco, profesor do IES Fontexería, que presenta este venres, nun acto ás 19,30 horas na fábrica de Sel, este novo volume da colección 'Terra Nomeada'.

Será coa presenza do presidente da RAG, Víctor F. Freixanes; a alcaldesa de Muros, María Lago, e o coordinador do Seminario de Onomástica da Academia, Antón Santamarina, entre outros representantes.