As compañías galegas Ibuprofeno, Píscore e Colectivo Glovo, seleccionadas para o Camiño Escena Norte
Este proxecto ten como obxectivo promover o intercambio cultural a través das artes escénicas, tomando como referencia e fío condutor os camiños a Santiago de Compostela.
Por E.P. | SANTIAGO DE COMPOSTELA | 02/05/2024 | Actualizada ás 18:31
Esta edición desta iniciativa cultural, na que participan compañías de teatro, danza e artes do movemento e novo circo, chega en 2024 á súa sexta edición sumando novas sedes, escenarios e ampliando a oferta de anos anteriores.
As compañías seleccionadas ofrecerán espectáculos e actividades no marco dunha proposta cuxo eixo principal xira en torno ás Itinerario Constelacións, o circuíto de representacións do CEN. Galicia seleccionou ás compañías Ibuprofeno Teatro con 'Deadpan Karaoke', Píscore-Culturactiva con 'Molto Barroco' e Colectivo Glovo con 'Tabú'.
Este ano a organización editou o segundo catálogo de espectáculos recomendados por CEN, unha publicación que serve de promoción para as trinta produccións das cinco comunidades participantes.O obxectivo é apoiar a súa distribución fora do ámbito do proxecto para difundir as artes escénicas profesionais galegas, asturianas, cántabras, vascas e navarras máis alá das súas fronteiras.
Os espectáculos que conforman esta publicación foron seleccionados por cinco comisións independentes de axentes profesionais do sector, alleas á organización de camiño Escena Norte. Estes grupos traballaron con case 200 propostas presentadas a esta edición do proxecto para participar no Itinerario Constelacións, a súa rede de exhibición escénica profesional.
