Morre un motorista nunha saída de vía en Bande

Un motorista, nacido en 1985, faleceu esta tarde de sábado nunha saída de vía na estrada OU-540 ao seu paso polo municipio ourensán de Bande. Segundo informa a Garda Civil nun comunicado, o sinistro tivo lugar pouco antes das 19.00 horas deste sábado. A saída de vía tivo lugar pola marxe dereita no sentido da marcha no quilómetro 45. Patrullas da Garda Civil atópanse no lugar, mentres que se dirixe ata o sitio do accidente un equipo de investigación de sinistros viarios.

Axentes da Garda Civil de Tráfico | Fonte: GARDA CIVIL - Arquivo