Os encoros galegos teñen menos auga do que deberían para a época do ano
A reserva hídrica dos encoros galegos continúa ao 88 % na comunidade, mesma taxa que fai sete días, pero por baixo da media do mes de maio de 2023 e da media da última década, segundo os datos do Ministerio para a Transición Ecolóxica publicados este martes.
Por Europa Press / Redacción | SANTIAGO DE COMPOSTELA | 14/05/2024 | Actualizada ás 16:14
A reserva hídrica dos encoros galegos continúa ao 88 % na comunidade, mesma taxa que fai sete días, segundo os datos do Ministerio para a Transición Ecolóxica publicados este martes. En detalle, os encoros do Miño-Sil atópanse con 2.681 hectómetros cúbicos embalsados (tres máis que hai unha semana), o que supón o 88,5 % da súa capacidade. Trátase de maior cantidade que a estas alturas en 2023 e por encima da media da última década.
Pola súa banda, en Galicia Costa están ao 86,3 %, dúas décimas menos que fai sete días, con 590 hectómetros cúbicos de reservas hídricas. Tamén é máis que en maio en 2023 e que na media dos últimos dez anos. As precipitacións foron escasas na vertente Mediterránea e moi escasas na vertente Atlántica na última semana, indica o Ministerio.
