(Análise) É Galicia a illa térmica da península que evita as ondas de calor?

O Ministerio de Sanidade sacou un novo mapa do nivel de risco de calor en cada provincia española. En Galicia obsérvanse grandes diferenzas entre provincias, de ata 10 graos para ser exactos. Así, no caso da Coruña a alerta por risco chegaría ao superarse os 27,5 ºC, mentres que en Pontevedra estaría nos 28,5 ºC e en Lugo andaría por enriba dos 32,4 ºC. O caso de Ourense é o máis alarmante, pois esta provincia non entraría en risco por altas temperaturas ata os 37,4 ºC. E non se trata de cifras sen importancia, xa que segundo os profesionais da saúde, por cada grao de temperatura que se supera ese umbral máximo, aumenta un 10 % o risco de mortandade. Dende o Galicia Confidencial e servíndonos dos datos históricos de MeteoGalicia, analizamos cantos días se superou nos cinco últimos anos o umbral de temperaturas marcado para A Coruña, Pontevedra, Lugo e Ourense (cidades) e tamén cantas veces o fixo en cada urbe no ano 2013, é dicir, fai unha década.

A CORUÑA: DISPERSIÓN DOS DÍAS DE CALOR MÁIS ALÓ DOS MESES DE VERÁN

No caso da cidade da Coruña, aínda que poida parecer que 27,5 graos é unha temperatura sinxela de acadar, segundo os rexistros da estación meteorolóxica A Coruña-Dique ao longo deste ano 2024 non se chegou ningún día a esa cifra. Botando a vista atrás, no ano 2023, chegáronse a superar ou igualar os 27,5 graos en 5 ocasións: 24 de xuño (27,5 ºC), 6 de setembro (28 ºC), 7 de outubro (32,3 ºC), 11 de outubro (27,6 ºC) e 12 de outubro (28,5 ºC). No 2022, os 27,5 graos só se superaron tres días: o 9 de xullo (30,4 ºC), 14 de xullo (28,5 ºC) e 9 de agosto (28,3 ºC). No 2021 tan só nunha ocasión: o 6 de setembro (30,5 ºC). No 2020, en dúas: o 27 de maio (27,5 ºC) e o 13 de setembro (33,3 ºC). E no 2019, eses 27,5 graos superáronse en dúas ocasións: o 31 de maio (31,1 ºC) e o 23 de agosto (28,1 ºC).

Se nos remontamos a fai unha década, no ano 2013 esa mesma estación meteorolóxica recolleu tres días con temperaturas por enriba dos 27,5 ºC na cidade da Coruña: o 6 de xullo (29,2 ºC), o 7 de xullo (29 ºC) e o 8 de xullo (29,4 ºC). Como pode observarse nestes datos, fai unha década os tres días nos que se superou a temperatura de risco foron días de pleno verán, e consecutivos, é dicir, dentro dunha onda de calor. Sen embargo, nos últimos anos obsérvase unha dispersión dos días de calor ao longo doutros meses do ano. Así, o máis recente é o 27 de maio de 2020, cando se acadaron eses 27,5 ºC e os máis tardíos son precisamente o 11 e o 12 de outubro do pasado ano, onde se rexistraron valores de 27,6 e de 28,5 ºC. En maio aínda non é verán, senón primavera, e en outubro tampouco é verán, senón outono e, sen embargo, déronse rexistros propios dos antigos veráns.

E hai que falar de antigos veráns porque nos actuais as temperaturas xa non se quedan nese pico máximo de 29,4 graos que se acadara en xullo de 2013, o que suporía segundo esa alerta de risco que o nivel de mortandande se incrementaría nun 20 %, senón que se chegan a superar amplamente os 30 graos. De feito, o récord de temperatura dos anos analizados foi o de 33,3 ºC, marca do 13 de setembro de 2020. Seguindo esa regra de que por cada grao que se supera a temperatura de risco se eleva o risco de mortandade nun 10 %, ese día o risco teríase chegado a elevar en case un 60 %. 

OURENSE: O NÚMERO DE ONDAS DE CALOR ESTÁ AUMENTANDO

Pasando á cidade de Ourense, a estación meteorolóxica homónima tampouco chegou a rexistrar valores de temperatura máxima superiores a eses 37,4 graos nos que se activaría o risco por calor. E, aínda que parece que estamos falando dunha temperatura moi elevada como para superala, no ano 2023 ese umbral superouse ata en 5 ocasións: o 7 de agosto (37,9 ºC), o 8 de agosto (42,5 ºC), o 21 de agosto (37,7 ºC), o 22 de agosto (41,8 ºC) e 23 de agosto (42 ºC). Ademais, se iso parece ser moito, no 2022 eses 37,4 ºC de temperatura máxima superáronse en 18 ocasións: o 28 de maio (37,9 ºC), o 9 de xullo (41,2 ºC), o 10 de xullo (39,8 ºC), o 11 de xullo (38 ºC), o 12 de xullo (43,3 ºC), o 13 de xullo (39,9 ºC), o 14 de xullo (44 ºC), o 15 de xullo (42,4 ºC), o 16 de xullo (38,3 ºC), o 17 de xullo (39,4 ºC), o 31 de xullo (40 ºC), o 1 de agosto (40,3 ºC), o 2 de agosto (40,5ºC), o 3 de agosto (37,5 ºC), o 7 de agosto (37,6 ºC), o 8 de agosto (38 ºC), o 9 de agosto (40,9 ºC) e o 23 de agosto (39,4 ºC).

No 2021 só se superou o umbral 5 días: o 16 de xullo (38 ºC), o 17 de xullo (40,4 ºC), o 18 de xullo (38,4 ºC), o 13 de agosto (38,8 ºC) e o 14 de agosto (38,9 ºC). Mentres que en 2020 os 37,4 ºC quedáronse curtos ata en 13 ocasións: o 23 de xuño (38,7 ºC), o 7 de xullo (37,9 ºC), o 17 de xullo (38,8 ºC), o 18 de xullo (40,1 ºC), o 19 de xullo (37,9 ºC), o 21 de xullo (37,6 ºC), o 22 de xullo (38,2 ºC), o 30 de xullo (38,7 ºC), o 29 de xullo (39,1 ºC), o 5 de agosto (38,9 ºC), o 6 de agosto (40,7 ºC), o 7 de agosto (37,9 ºC) e o 8 de agosto (38,3 ºC). Por outra banda, en 2019 só se superaron os 37,4 graos en 5 ocasións: o 31 de maio (37,5 ºC), o 11 de xullo (38,1 ºC), o 12 de xullo (38,6 ºC), o 22 de xullo (38,1 ºC) e o 23 de agosto (38 ºC).

Remontándonos unha década no tempo, ata o 2013, naquel ano a temperatura máxima de risco superárase en 13 ocasións: o 4 de xullo (27,9 ºC), o 5 de xullo (40,3 ºC), o 6 de xullo (41,9 ºC), o 7 de xullo (41,7 ºC), o 8 de xullo (41 ºC), o 9 de xullo (38,5 ºC), o 10 de xullo (37,7 ºC), o 11 de xullo (38,1 ºC), o 12 de xullo (38,2 ºC), o 10 de agosto (38,4 ºC), o 11 de agosto (40,7 ºC), o 20 de agosto (40,3 ºC) e o 21 de agosto (37,6 ºC). O que se observa no caso de Ourense é que o número de ondas de calor (períodos con varios días consecutivos de altas temperaturas) está aumentando: houbo dúas en 2023, tres en 2022, dúas en 2021, catro en 2020, unha en 2019 e tres no 2013.

Ademais, xullo e agosto son os meses centrais nos que a calor mata á cidade das Burgas, aínda que no 2019 e no 2022 xa houbo superación do umbral de risco o 31 e o 28 de maio, con 37,5 ºC e 37,9 ºC. Mentres que no 2020 tamén se superaron os 37,4 ºC o 23 de xuño, chegando aos 38,7 ºC. E o que si cambiou moito con respecto a fai unha década atrás é o tope ao que chega o termómetro cando se supera ese risco de calor. Se no 2013 o día coa temperatura máis alta foi o 6 de xullo, con 41,9 ºC, ese rexistro foi superado en tres ocasións no ano 2022 (42,4 ºC o 15 de xullo, 44 ºC o 14 de xullo e 43,3 ºC o 12 de xullo) e en dúas no 2023 (42,5 ºC o 8 de agosto e 42 ºC o 23 de agosto). Volvendo ao aumento do risco de mortandade nun 10 % por cada grao que se supera o umbral de alerta, estamos falando que con eses 44 ºC o risco de mortandade elevaríase case nun 70 %.

LUGO: OS DÍAS DE ALTAS TEMPERATURAS VAN DENDE A PRIMAVERA AO OUTONO

Na cidade de Lugo, onde a temperatura de alerta se sitúa nos 32,4 ºC, a estación meteorolóxica do Campus da cidade tampouco detectou ningún día cunha temperatura superior neste 2024. Sen embargo, no 2023 houbo 12 ocasións nas que si se superaron eses 32,4 ºC: o 23 de xuño (32,6 ºC), o 24 de xuño (34,6 ºC), o 8 de agosto (34,5 ºC), o 9 de agosto (34,8 ºC), o 22 de agosto (32,5 ºC), o 23 de agosto (40,2 ºC), o 24 de agosto (32,7 ºC), o 30 de setembro (33,1 ºC), o 1 de outubro (33,3 ºC), o 7 de outubro (33,7 ºC), o 8 de outubro (33,3 ºC) e o 9 de outubro (33,1 ºC). Mentres que no 2022 se superou en 20 ocasións: o 14 de xuño (33,1 ºC), o 15 de xuño (32,4 ºC), o 16 de xuño (33,5 ºC), o 10 de xullo (40,6 ºC), o 9 de xullo (32,7 ºC), o 11 de xullo (35,4 ºC), o 12 de xullo (37,9 ºC), o 13 de xullo (37,9 ºC), o 14 de xullo (37,3 ºC), o 15 de xullo (34,4 ºC), o 16 de xullo (35 ºC), o 17 de xullo (38,3 ºC), o 8 de agosto (34,1 ºC), o 9 de agosto (33,1 ºC), o 11 de agosto (34,8 ºC), o 12 de agosto (32,5 ºC), o 28 de agosto (33,9 ºC), o 29 de agosto (32,6 ºC), o 10 de setembro (33,7 ºC) e o 11 de setembro (33,8 ºC).

No 2021 ese umbral de 32,4 graos foi superado un total de 7 días: o 17 de xullo (34 ºC), o 18 de xullo (33,2 ºC), o 14 de agosto (32,7 ºC), o 26 de agosto (32,4 ºC), o 27 de agosto (34,3 ºC), o 5 de setembro (35,3 ºC) e o 6 de setembro (34,9 ºC). Mentres que no 2020 superouse en 15 ocasións: o 28 de maio (33,6 ºC), o 30 de maio (32,4 ºC), o 22 de xuño (32,5 ºC), o 23 de xuño (36,3 ºC), o 18 de xullo (36,5 ºC), o 22 de xullo (32,6 ºC), o 26 de xullo (33,6 ºC), o 30 de xullo (36,9 ºC), o 31 de xullo (32,8 ºC), o 5 de agosto (34,8 ºC), o 6 de agosto (38,9 ºC), o 7 de agosto (33 ºC), o 3 de setembro (32,4 ºC), o 4 de setembro (33,3 ºC) e o 13 de setembro (35,2 ºC). Xa en 2019 o umbral de risco só foi superado en 4 ocasións: o 31 de maio (34,6 ºC), o 11 de xullo (32,7 ºC), o 24 de xullo (32,9 ºC) e o 30 de agosto (32,9 ºC). Mentres que fai unha década, no 2013, eses 32,4 graos superáranse en 5 días: o 31 de xullo (32,9 ºC), o 21 de agosto (35,4 ºC), o 3 de setembro (33,8 ºC), o 22 de setembro (33,7 ºC) e o 23 de setembro (32,9 ºC).

O que se pode observar no caso de Lugo é que tamén se adiantaron os días de altas temperaturas, dándose agora xa en maio, como aconteceu os días 28 e 29 de maio de 2020, cando se rexistraron 33,6 ºC e 32,4 ºC ou o 31 de maio de 2019, con 34,6 ºC. Tamén hai varios días de xuño de alto risco antes do comezo do verán en 2022: o 14, 15 e 16, con 33,1 ºC, 32,4 ºC e 33,5 ºC, respectivamente. Ademais, tamén se alongan no tempo eses días de altas temperaturas, chegando ao outono, moi cálido o pasado ano, co 30 de setembro a 33,1 ºC, o 1 de outubro a 33,3 ºC, o 7 de outubro a 33,7 ºC, o 8 de outubro a 33,3 ºC e o 9 de outubro a 33,1 ºC. Nunca nos cinco anos anteriores houbera temperaturas tan altas en outubro. Ademais, tamén houbo un incremento notable das ondas de calor, que en 2023 foron catro; en 2022 foron 5 (unha delas cunha duración de 9 días); en 2021, tres; e en 2020, cinco. Se nos fixamos na temperatura máxima anual, no 2013 foi de 35,9 ºC, mentres que en 2023 esa cifra superouse por moito, chegando aos 40,2 ºC o 23 de agosto; e no 2022 chegárase mesmo aos 40,6 ºC o 10 de xullo e superáronse os 37 ºC os días 12, 13 e 14 de xullo e os 38 ºC o 17. Con 40,6 ºC o risco de mortandade elevaríase nun 80 % na cidade.

PONTEVEDRA: UMBRAL DE RISCO AMPLAMENTE SUPERADO MÁIS DUN MES

Finalmente, o caso de Pontevedra é o máis chamativo, pois aínda que o umbral de alerta de risco por elevadas temperaturas está nos 28,5 ºC, esta temperatura superouse amplamente en todas as datas de verán, chegando a rexistrarse anos con máis de mes e medio por enriba dese valor. Así, a estación meteorolóxica de Pontevedra-Campolongo xa rexistrou no que vai de 2024 dez días por enriba dese valor: o 21 de marzo (28,9 ºC), o 22 de marzo (29,5 ºC), o 12 de abril (28,9 ºC), o 8 de maio (29,1 ºC), o 9 de maio (29,6 ºC), o 31 de maio (28,5 ºC), o 1 de xuño (29,9 ºC), o 2 de xuño (30,8 ºC), o 3 de xuño (30,8 ºC) e o 7 de xuño (33,5 ºC). Mentres que no 2023 eses 28,5 ºC superáronse en nada menos que 42 ocasións: o 17 de abril (29,6 ºC), o 23 de maio (29,5 ºC), o 24 de maio (29,3 ºC), o 6 de xuño (30,9 ºC), o 15 de xuño (29,4 ºC), o 23 de xuño (30,7 ºC), o 24 de xuño (29,9 ºC), o 25 de xuño (30,7 ºC), o 26 de xuño (30,1 ºC), o 27 de xuño (31,4 ºC), o 28 de xuño (29,5 ºC), o 1 de xullo (30,5 ºC), o 2 de xullo (33,2 ºC), o 3 de xullo (30,3 ºC), o 17 de xullo (31,3 ºC), o 19 de xullo (30,4 ºC), o 22 de xullo (28,7 ºC), o 26 de xullo (30,2 ºC), o 5 de agosto (30,8 ºC), o 6 de agosto (31,8 ºC), o 7 de agosto (35 ºC), o 8 de agosto (29,9 ºC), o 11 de agosto (29 ºC), o 15 de agosto (29,9 ºC), o 16 de agosto (28,5 ºC), o 20 de agosto (30,7 ºC), o 21 de agosto (31 ºC), o 22 de agosto (36,1 ºC), o 23 de agosto (33,8 ºC), o 8 de setembro (28,8 ºC), o 13 de setembro (30,4 ºC), o 14 de setembro (30,9 ºC), o 29 de setembro (28,6 ºC), o 30 de setembro (33,1 ºC), o 1 de outubro (28,6 ºC), o 6 de outubro (31,8 ºC), o 7 de outubro (31,4 ºC), o 8 de outubro (29,4 ºC), o 9 de outubro (32,7 ºC), o 10 de outubro (29,6 ºC), o 11 de outubro (30,2 ºC) e o 12 de outubro (29,2 ºC).

No 2022 eses 28,5 ºC superáronse na cidade do Lérez en 48 ocasións: o 14 de maio (31,5 ºC), o 20 de maio (29,1 ºC), o 26 de maio (28,8 ºC), o 27 de maio (34,5 ºC), o 28 de maio (32,5 ºC), o 11 de xuño (30 ºC), o 12 de xuño (30,5 ºC), o 13 de xuño (31,5 ºC), o 15 de xuño (28,5 ºC), o 2 de xullo (30,5 ºC), o 3 de xullo (28,5 ºC), o 4 de xullo (29,6 ºC), o 5 de xullo (31 ºC), o 6 de xullo (32,1 ºC), o 7 de xullo (34,3 ºC), o 8 de xullo (36 ºC), o 9 de xullo (34,2 ºC), o 12 de xullo (39,3 ºC), o 13 de xullo (38,5 ºC), o 14 de xullo (35,5 ºC), o 15 de xullo (28,5 ºC), o 20 de xullo (30,7 ºC), o 21 de xullo (29,4 ºC), o 22 de xullo (28,9 ºC), o 23 de xullo (29,4 ºC), o 27 de xullo (29 ºC), o 29 de xullo (30,2 ºC), o 30 de xullo (35,5 ºC), o 31 de xullo (36,1 ºC), o 1 de agosto (34,8 ºC), o 3 de agosto (31,3 ºC), o 4 de agosto (32,3 ºC), o 5 de agosto (32,3 ºC), o 18 de agosto (28,5 ºC), o 19 de agosto (31 ºC), o 20 de agosto (29 ºC), o 22 de agosto (31,7 ºC), o 23 de agosto (32,4 ºC), o 25 de agosto (30,2 ºC), o 26 de agosto (32,4 ºC), o 16 de setembro (29 ºC), o 18 de setembro (31,8 ºC), o 19 de setembro (31,5 ºC), o 20 de setembro (30,2 ºC), o 2 de outubro (29 ºC), o 3 de outubro (28,6 ºC), o 6 de outubro (29 ºC) e o 8 de outubro (28,8 ºC).

No 2021 ese umbral de risco superouse nun total de 36 días: o 31 de marzo (32,1 ºC), o 6 de xuño (29,2 ºC), o 9 de xuño (29 ºC), o 11 de xuño (31,7 ºC), o 12 de xuño (34,3 ºC), o 13 de xuño (30,1 ºC), o 14 de xuño (30,9 ºC), o 15 de xuño (34,2 ºC), o 24 de xuño (29,9 ºC), o 25 de xuño (31,4 ºC), o 9 de xullo (29,4 ºC), o 10 de xullo (29,7 ºC), o 14 de xullo (28,6 ºC), o 15 de xullo (33 ºC), o 16 de xullo (36,5 ºC), o 17 de xullo (34,8 ºC), o 26 de xullo (28,5 ºC), o 29 de xullo (29,1 ºC), o 11 de agosto (28,6 ºC), o 13 de agosto (29,6 ºC), o 14 de agosto (29,5 ºC), o 15 de agosto (30,5 ºC), o 17 de agosto (29,3 ºC), o 18 de agosto (28,8 ºC), o 19 de agosto (28,8 C), o 22 de agosto (30,7 ºC), o 23 de agosto (34,4 ºC), o 24 de agosto (35,2 ºC), o 5 de setembro (31,7 ºC), o 11 de setembro (29,3 ºC), o 16 de setembro (28,7 ºC), o 23 de setembro (29,7 ºC), o 7 de outubro (29,1 ºC), o 12 de outubro (29,9 ºC) e o 19 de outubro (28,9 ºC). 

No 2020 os 28,5 ºC superáronse en 58 ocasións: o 3 de maio (30,5 ºC), o 24 de maio (29,7 ºC), o 25 de maio (30,3 ºC), o 26 de maio (34,5 ºC), o 27 de maio (34,2 ºC), o 28 de maio (32,9 ºC), o 29 de maio (28,6 ºC), o 2 de xuño (28,7 ºC), o 22 de xuño (29,5 ºC), o 29 de xuño (28,9 ºC), o 30 de xuño (31,2 ºC), o 4 de xullo (29,7 ºC), o 5 de xullo (33,8 ºC), o 6 de xullo (31,9 ºC), o 7 de xullo (29 ºC), o 9 de xullo (31,8 ºC), o 10 de xullo (30,9 ºC), o 11 de xullo (34,2 ºC), o 12 de xullo (32,7 ºC), o 13 de xullo (33,8 ºC), o 14 de xullo (29,2 ºC), o 15 de xullo (32,3 ºC), o 16 de xullo (36 ºC), o 17 de xullo (37,6 ºC), o 18 de xullo (31,6 ºC), o 20 de xullo (32,2 ºC), o 21 de xullo (35,3 ºC), o 22 de xullo (31,1 ºC), o 23 de xullo (30,6 ºC), o 24 de xullo (31,4 ºC), o 26 de xullo (29,8 ºC), o 28 de xullo (31,6 ºC), o 29 de xullo (32,6 ºC), o 1 de agosto (30,8 ºC), o 2 de agosto (29,6 ºC), o 4 de agosto (32,3 ºC), o 5 de agosto (29,2 ºC), o 6 de agosto (29,1 ºC), o 7 de agosto (29,8 ºC), o 10 de agosto (28,7 ºC), o 23 de agosto (29,7 ºC), o 24 de agosto (31 ºC), o 25 de agosto (28,6 ºC), o 26 de agosto (28,7 ºC), o 1 de setembro (29 ºC), o 2 de setembro (29,7 ºC), o 3 de setembro (32,7 ºC), o 4 de setembro (29 ºC), o 5 de setembro (30,1 ºC), o 6 de setembro (29,5 ºC), o 7 de setembro (32,8 ºC), o 8 de setembro (33,2 ºC), o 9 de setembro (31,2 ºC), o 10 de setembro (30,3 ºC), o 12 de setembro (37,2 ºC), o 13 de setembro (32 ºC), o 17 de setembro (29,1 ºC) e o 18 de setembro (29,1 ºC).

No 2019 ese umbral de risco foi superado en 42 ocasións: o 26 de marzo (28,8 ºC), o 20 de abril (29,5 ºC), o 12 de maio (32,2 ºC), o 13 de maio (30,4 ºC), o 14 de maio (30,5 ºC), o 26 de maio (28,5 ºC), o 29 de maio (32,4 ºC), o 30 de maio (32,9 ºC), o 31 de maio (35,9 ºC), o 1 de xuño (29,9 ºC), o 2 de xullo (29,5 ºC), o 9 de xullo (31,5 ºC), o 10 de xullo (32,5 ºC), o 11 de xullo (31,2 ºC), o 12 de xullo (34,7 ºC), o 15 de xullo (30,3 ºC), o 16 de xullo (29,8 ºC), o 17 de xullo (28,8 ºC), o 18 de xullo (29,5 ºC), o 21 de xullo (30,6 ºC), o 22 de xullo (29,1 ºC), o 31 de xullo (28,6 ºC), o 1 de agosto (30,8 ºC), o 3 de agosto (28,6 ºC), o 15 de agosto (30,3 ºC), o 20 de agosto (29 ºC), o 21 de agosto (32,4 ºC), o 22 de agosto (34 ºC), o 23 de agosto (30,4 ºC), o 26 de agosto (29,7 ºC), o 31 de agosto (28,9 ºC), o 2 de setembro (32,4 ºC), o 3 de setembro (33,8 ºC), o 4 de setembro (30,4 ºC), o 6 de setembro (29,4 ºC), o 7 de setembro (29,9 ºC), o 8 de setembro (32,1 ºC), o 12 de setembro (30,3 ºC), o 13 de setembro (35,1 ºC), o 14 de setembro (31,8 ºC), o 15 de setembro (33,1 ºC) e o 16 de setembro (28,8 ºC). 

E xa remontándonos a hai dez anos, no 2013 eses 28,5 ºC superáronse un total de 41 días: o 24 de xuño (29,8 ºC), o 25 de xuño (31,3 ºC), o 26 de xuño (31,1 ºC), o 27 de xuño (30,5 ºC), o 28 de xuño (31,1 ºC), o 29 de xuño (34,5 ºC), o 30 de xuño (32,7 ºC), o 4 de xullo (34,3 ºC), o 5 de xullo (35,5 ºC), o 6 de xullo (36,3 ºC), o 7 de xullo (37,6 ºC), o 8 de xullo (35 ºC), o 9 de xullo (29,9 ºC), o 9 de agosto (32,7 ºC), o 10 de agosto (34,2 ºC), o 11 de agosto (31,5 ºC), o 12 de agosto (29,6 ºC), o 13 de agosto (32,1 ºC), o 14 de agosto (34,1 ºC), o 16 de agosto (28,7 ºC), o 18 de agosto (28,6 ºC), o 19 de agosto (32,3 ºC), o 20 de agosto (32,5 ºC), o 26 de agosto (29,5 ºC), o 27 de agosto (31,3 ºC), o 28 de agosto (31,4 ºC), o 29 de agosto (32,5 ºC), o 30 de agosto (31 ºC), o 31 de agosto (31,9 ºC), o 1 de setembro (34,2 ºC), o 2 de setembro (33,3 ºC), o 3 de setembro (29,1 ºC), o 10 de setembro (29,4 ºC), o 11 de setembro (31,4 ºC), o 12 de setembro (30 ºC), o 13 de setembro (30,8 ºC), o 15 de setembro (29 ºC), o 19 de setembro (28,8 ºC), o 20 de setembro (30,6 ºC), o 21 de setembro (32,4 ºC) e o 22 de setembro (32,3 ºC).

No caso desta provincia o máis remarcable é o feito da gran cantidade de días que sobrepasan o umbral de risco por altas temperaturas marcado polo Ministerio, o que nos pode indicar que este non estea de todo ben medido. Pero tamén chama a atención que se no 2013 non había ningún día no que se superase este umbral fóra da época estival, no 2019 fixérono 10 días: un en marzo, un en abril, 7 en maio e un en xuño; no 2020, 8 días: 7 en maio e un en xuño; no 2021, 13 días: un en marzo, 6 en xuño, un en setembro e 4 en outubro; no 2022, 13 días: 5 en maio, catro en xuño e 4 en outubro; no 2023, 15 días: un en abril, dous en maio, dous en xuño, dous en setembro e 8 en outubro; e no que vai de 2024, xa se superaron os 28,5 ºC en 10 ocasións: dúas en marzo, unha en abril, tres en maio e catro en xuño.