Buscan a un home de 79 anos desaparecido en Vilagarcía o pasado martes

As forzas de seguridade buscan a un home de 79 anos de idade, Pepe Dieste Suárez, que permanece desaparecido desde o pasado martes e do que se perdeu a pista en Vilagarcía de Arousa.

Segundo a alerta difundida por SOS Desaparecidos, trátase dun home de 1,70 m. de estatura, complexión delgada, pelo branco e ollos castaños e a súa situación é de alta vulnerabilidade.

Pepe Dieste foi visto por última vez na zona de Trabanca Sardiñeira, na parroquia de Carril, o pasado 25 de xuño. Se alguén o viu debe porse en contacto coas forzas de seguridade, o 112 ou cos teléfonos de SOS Desaparecidos: 649.952.957 ou 644.712.806.

Buscan a un veciño de Vilagarcía de 79 anos de idade, desaparecido o 25 de xuño de 2024.. SOS DESAPARECIDOS | Fonte: Europa Press