Absoltos en Ourense os dous acusados de estafar na venda dun tractor por internet

A sección segunda da Audiencia Provincial de Ourense absolveu aos dous acusados de cometer un delito de estafa na venda a través de internet dun tractor. Segundo recollen os feitos probados na sentenza, a ambos atribuíaselles a autoría de enganar á vítima, a través dun servizo de compravenda cun vehículo que nunca chegou a recibir.

Na resolución, os maxistrados afirman que o único dato que relaciona a un dos dous sospeitosos cos feitos polos que se lle acusaba é ser o administrador da empresa que figuraba no anuncio da venda. Unha información considerada como "insuficiente" ao tratarse dun dato de fácil acceso.

Con respecto ao outro acusado, a súa relación co caso residía en ser o titular da conta bancaria á que estaba asociada o anuncio. No entanto, este denunciara previamente a perda do seu DNI e os datos proporcionados para a creación da conta non se correspondían cos seus.

Investigan a un home de 33 anos acusados de roubar un tractor e maquinaria a uns veciños en Caldas. GARDA CIVIL | Fonte: Europa Press