Catro ladróns que roubaron en varios lugares de Porto do Son, Outes, Noia e Boiro enfróntanse a seis anos de cárcere

A Audiencia Provincial da Coruña acollerá o vindeiro martes o xuízo contra catro persoas acusadas de varios roubos en localidades da provincia da Coruña. Segundo o escrito de Fiscalía, os feitos sucederon de xaneiro a maio de 2017 cando os procesados, "actuando en grupo e en execución dun plan preconcibido e con ánimo de obter un indebido enriquecemento", roubaron en varios lugares de Porto do Son, Outes, Noia e Boiro.

Os acusados, que se desprazaban nun Opel Astra ou nun Peugeot, caracterizábanse porque "consumían comestibles e bebidas no interior dos lugares aos que accedían". Entre os lugares aos que accederon para roubar atópase o campo de fútbol do Noia C.F, un bar na localidade de Outes e un bazar de Noia, así como en diferentes inmobles.

Os feitos, aos que os acusados responden en concepto de coautores, son constitutivos dun delito de roubo con forza para os que solicitan cinco anos de cárcere para cada un e un delito de pertenza a grupo criminal polo que piden un ano de prisión. Ademais, os acusados deberán indemnizar de forma conxunta e solidaria coa cantidade de máis de 10.580 euros, en total, ás súas vítimas.

Audiencia Provincial de Xustiza, os seus xulgados na Coruña | Fonte: Arquivo