Diego As, consagrado muralista, autor do cartel de Pardiñas

O autor do cartel anunciador da 45 edición do Festival de Pardiñas é Diego As, un artista de talla internacional e responsable dun dos maiores atractivos urbanos de Lugo, o seu monumental mural de Julio César.

O artista, que naceu en Lugo no 1989, ten formación en artes gráficas, serigrafía e grabado artístico superior. A partir de 2015 dirixiu o seu camiño profesional cara a súa vocación, os traballos murais, pero tamén pinta noutros formatos, en cadros ou outros soportes onde o artista desplega toda clase de estilos.

Foi evolucionando, din dende a organización de Pardiñas, "do graffiti máis ilegal e da firma na rúa a un muralismo máis artístico, consentido e traballado durante días". Pola súa parte, Diego As revela que "he tenido que pagar sólo dos multas, corría bien"... "hay puertas en las que pintábamos grafitis que luego nos han llamado para quitarlos y pintarlas bien".

A imaxe gráfica de Pardiñas 2024 está cargada de simbolismo. Unha man ergueita que sae da terra suxeitando unha pandeireta representa a forza da terra e da música tradicional, e o ambiente escuro de fondo evoca as noites dos festivais.

O XLV Festival de Pardiñas será do 2 ao 4 de agosto.