Veciños tentan apagar cunha mangueira un monte de postes que ardeu en Marín
O incendio afectou ao frontal dun camión e a un muro da casa.
Por Europa Press / Redacción | PONTEVEDRA | 06/08/2024 | Actualizada ás 10:06
Un incendio calcinou esta madrugada un monte de postes de madeira situada no exterior dunha nave industrial en Marín.
En concreto, segundo informou o CIAE 112-Galicia, o aviso recibiuse pasadas as 2,00 horas da madrugada deste martes, informando dun lume nunha nave sen actividade no lugar da Moreira. Os axentes da Policía Local foron os primeiros en chegar e informaron ao 112 de que había un monte de postes de madeira ardendo, próximos tamén a unha vivenda.
De feito, os veciños saíron con mangueiras para tratar de evitar que o incendio terminase por afectar á casa, o que serviu para protexer ao inmoble ata a chegada dos bombeiros. Por mor das chamas resultou calcinado o monte de postes e o frontal dun camión. A calor tamén estragou o revestimento dun muro.
Desde o 112 Galicia solicitouse a intervención dos Bombeiros de Pontevedra e O Morrazo, que acudiron en paralelo, aínda que só chegaron a intervir os efectivos do parque de Bueu.
